ស្រណោះភ្លៀង
១. ស្រណោះភ្លៀង ដូចសំនៀងស្រី ធ្លាប់ឮរាល់ថ្ងៃ
ឲ្យរៀមស្រមៃនឹក រាល់ពេលថ្ងៃយប់ព្រឹក នឹកអើយ
សែននឹក រលឹកមាសស្ងួននួនធ្លាប់ស្នេហា។
២. ស្រណោះភ្លៀង ដូចចំរៀងស្នេហ៍ បងច្រៀងបំពេរ
ឲ្យកើយលើឱរា ឥឡូវបាត់ពៅទៅណា ឲ្យរៀម
ខ្លោចផ្សា ព្រោះតែកន្និដ្ឋាឈ្លាតឆ្ងាយពីបង។
បន្ទរ. អូនភ្លេចហើយ ភ្លេចខ្នើយកំសត់ អូនភ្លេចបទ
ដែលរៀមបំពេរនួនល្អង ភ្លេចមុងពូកខ្នើយធ្លាប់កល់កើយ
មិនដែលឲ្យហ្នង ឲ្យភ្លេចចំណងដៃអូននិងបងក្នុងថ្ងៃរៀបការ។
៣. ស្រណោះភ្លៀង ច្រៀងទាំងទឹកភ្នែក ច្រៀងរឿងសង្វេគ
រឿងជីវិតខ្លោចផ្សារ ថ្ងៃនេះទៅមុខកំព្រាវេទនាដួងចិត្ត
ជីវិតឥតន័យលុះថ្ងៃអវសាន្ត៕
- ច្រៀងដោយ អ៊ឹង ណារី
- និពន្ធដោយ ឯល ប៊ុនណា
-
បទភ្លេង ?
-
ផលិតកម្ម ?
-
ថតឆ្នាំ ១៩៧៣