រំដួលក្រចេះ
បទភ្លេង នូ ញ៉ុង ទំនុកច្រៀង ម៉ា ឡៅពី
ច្រៀងដោយ អ៊ឹម សុងសឺម
«ចុចទីនេះសម្រាប់បទលោក កែវ សារ៉ាត់»
១. រំដួលក្រចេះអូនដុះឆ្ងាយក្រុង បេះដូងបងលង់
សម្រស់ផូរផង់ប្រិមប្រិយ សម្បុរស្រអែមចិត្តភក្តី
រត់រកមេត្រី ញញឹមរាក់ទាក់រកគ្នា។
២. ពេលខ្លីថ្ងៃឆាប់ប្រញាប់លឿនទៅ បងមិនបាននៅ
គេងគិតសោកសៅគ្រាំគ្រា នឹកណាស់មិនហ៊ានហាមាត់លា
ធ្មេចភ្នែកខ្លោចផ្សា ចាកចោលរំដួលក្រពុំ។
៣. ឱផ្ទៃទន្លេរជាកេរធម្មជាតិ ខ្លែងហើរព្រាតៗ
រលកគ្រាំៗ ខ្យល់បក់បោក ដើមគគីររេរាំ
ខ្យល់អើយខ្ញុំផ្តាំទៅរំដួលផង។
៤. ក្រចេះភ្នំពេញវិលវិញមិនឆ្ងាយ ព្រឹក្សាទាំងឡាយ
ឲ្យពរសប្បាយឥតហ្មង បើបានបេះរំដួលទាំងទង
លាក់ភ្នែកអ្នកផង ទុកក្នុងបេះដូងសំងាត់៕
(ច្រៀងពីរដង)