ពិសាខដើមឆ្នាំ
បទភ្លេង ទំនុកច្រៀង...
ច្រៀងដោយ កែវ សារ៉ាត់
ហាអើ…អើង
អើយ ហៃយឺអើអើងអើយ!
១. ពិសាខដើមឆ្នាំខ្មែរតែងចំណាំ
ភ្ជួរស្រែចំការ អឺអើងអើយ
កសិករប្រុសស្រីគ្រប់អាត្មា
ប្រកបកិច្ចការគ្មានខ្វល់ខ្វាយ
ហៃយឺអើយ ប្រកបកិច្ចការគ្មានខ្វល់ខ្វាយ។
ហៃយឺអើយ ប្រកបកិច្ចការគ្មានខ្វល់ខ្វាយ។
២. ស្រណោះរៀបភ្លឺ
លឺតាវ៉ៅយំ អាអូតមាសមុំ ប្រគុំតន្រី្ត អឺអើយ
ផ្កាយព្រឹករះឆ្លង ផុតដងព្រឹកព្រៃ
បងទឹមក្របីដឹកស្រីទៅស្រែអើយ
ពន្លឺព្រិចៗចាំងពីដួងខែ ស្រអែមមាសស្នេហ៍
គេងលើភ្លៅបង
ហៃយឺអើយ ស្រអែមមាសស្នេហ៍គេងលើភ្លៅបងអើយ។
៣.
ស្រណោះផ្កាឈើក្រអូបម៉ត់ហ្មង កែវកាច់បាច់ក្រង
ចងជារំយោលអើយ …ក្រឡាញ់ កកោះ
ផ្ការាជអង្កោល
ស្តុកស្តោលកណ្តោលរីកស្រស់ប្រឹមប្រិយ អឺអើយ។
៤.
ស្រណោះវាលស្រែធំឥតបី ភ្លៀងធ្លាក់ថ្មីៗ ទឹកកាត់ថ្លាខ្ចងហៃយឺអើយ
ភ្លៀងធ្លាក់ថ្មីៗ
ទឹកកាត់ថ្លាខ្ចងអើយ បងនាំអូនងូតសប្បាយកន្លង ក្បង់ទឹកលាងខ្នង
ផ្សងកុំព្រាត់ អឺអើងអើយ
អកុសលផលកម្ម មិនទៀងទាត់
តាមមកពង្រាត់ឲ្យព្រាត់បានហៃយឺអើយ តាមមកពង្រាត់ឲ្យព្រាត់បានអឺអើយ។
៥. ហៃយឺ
អើងអើយ យាយតាមីងមារជាទីរាប់អាន អើយអើងអើយ
ព្រមទាំងញាតិសណ្តាន ឥឡូវឃ្លាតប្រាណអណ្តែតមកឆ្ងាយ…
ក្នុងទ្រូងអួលណែន គ្មានល្អែល្ហើយ ទុក្ខគ្មានស្រាកស្បើយ
សែនស្មាញស្មុគ្រអឺអើងអើយ ឥឡូវក្សេមក្សាន្ត ប្រាណអើយ
បានសុខ តែចិត្តអើយនៅទុក្ខ ជំងឺនឹកស្រុកគ្មានរសាយឡើយ។
បានសុខ តែចិត្តអើយនៅទុក្ខ ជំងឺនឹកស្រុកគ្មានរសាយឡើយ។
៦. ហៃយឺអើយ
ដើម្បីកំដរលោកយាយលោកតា អឺអើងអើយ
ខ្ញុំឱនសិរសាបន្ទន់កាយា ចូលច្រៀងចាប៉ីអឺងអើយ
បើបានច្រៀងឆ្គង
យ៉ាងម្តេចម្តា សូមយាយសូមតាត្រាប្រណីអឺអើយ សូមពរទាំងប្រាំ
មានដល់តាយាយ ឲ្យសុខអើយសួស្តី សេរីមង្គលតរៀងទៅអើយ
ឱបងអើយប្អូនអ្ហើយ ខ្ញុំសូមលាហើយ
លាទាំងអាល័យអើយអើងអើយ៕